Kompania zvicerane “anti emigrante” kërkon të punësojë të huaj

(KEYSTONE/Alessandro della Valle)

Sipas raporteve të mediave zvicerane të dielën, EMS-Chemie, një kompani që i përket Christoph Blocher, themeluesit të Partisë Popullore Zvicerane (SVP) të krahut të djathtë që drejtohet nga vajza e tij, deputetja Magdalena Martullo-Blocher, po rekruton punonjës nga Gjermania.

Ndërsa kjo mund të mos jetë e pazakontë për shumë punëdhënës në Zvicër, Blocherët, si dhe SVP në përgjithësi, janë të vendosur kundër emigrantëve, duke argumentuar se të huajt ua heqin punën zviceranëve dhe nuk duhet të lejohen të vijnë në vend, shkruan The Local.

I pyetur për këtë mospërputhje, një zëdhënës i EMS-Chemie i tha portalit të lajmeve Watson se kompania “përpiqet të plotësojë të gjitha pozicionet e hapura me njerëz nga Zvicra. Por, nëse kjo nuk funksionon, ne do të kërkojmë specialistë edhe në vendet gjermanishtfolëse”.

Me fjalë të tjera, edhe për të djathtët, pragmatizmi ndonjëherë ka përparësi ndaj patriotizmit, përcjell albinfo.ch.