Ekzekutohen shtesat prej 100 eurosh për pensionistët dhe fëmijët

(KEYSTONE/Christian Beutler)

Ministri i Financave, Hekuran Murati, ka njoftuar se janë ekzekutuar shtesat prej 100 eurosh për fëmijët dhe pensionistët.

“Ekzekutohet edhe shtesa e njëhershme për të gjithë fëmijët që janë në sistem të shtesave për fëmijë. Mjetet janë transferuar bashkë me shtesën e zakonshme mujore, në llogarinë e njëjtë”, ka shkruar Murati në Facebook.

Ai gjithashtu ka thënë se janë ekzekutuar edhe shtesat për pesë kategori të pensionistëve.

“Pas të gjitha përgatitjeve teknike nga stafi i MFPT, sot kemi arritur të ekzekutojmë shtesat e njëhershme për të gjithë pensionmarrësit si në vijim: Pensionistët e moshës, kategoritë e luftës, pensionet për aftësi të kufizuara, pensionet familjare dhe të invaliditetit në punë dhe pensionet e parakohshme, për ata që marrin më pak se 500 euro”, ka shkruar Murati, përcjell albinfo.ch.