Pritjet në Merdar, Policia e Kosovës inkurajon shfrytëzimin e pikave të tjera kufitare

Policia e Kosovës, në një komunikatë ka njoftuar se duke u bazuar në informacionet nga pikat e kontrollit kufitar, qarkullimi i njerëzve dhe mallrave zhvillohet normalisht, përveç se një përqendrim më i madh i automjeteve dhe personave vërehet në pikë kalimin kufitar në Merdar, ku pritjet dhe kolonat janë më të gjata.

Përmes njoftimit, Policia e Kosovës, ka kërkuar që të përdoren edhe pikat e tjera kufitare, në mënyrë që qytetarët t’u shmangen pritjeve, përcjell albinfo.ch.

“Në orët e pasdites në pikëkalimin kufitar në Merdar në hyrje të Republikës së Kosovës nuk ka pasur ndonjë raportim për pritje apo kolona të gjata, përderisa në dalje janë evidentuar pritje më tepër se 3 orë. Ne inkurajojmë të gjithë ata persona që shfrytëzojnë pikëkalimet kufitare, në këtë periudhë për dalje nga Republika e Kosovës të përdorin edhe alternativa (pika të tjera kufitare) të tjera, ku fluksi është me i vogël, në mënyrë që t’ u shmangen pritjeve dhe kolonave eventuale”, thuhet në njoftim.