Rezultatet përfundimtare në Serbi: Shaip Kamberi, deputeti i vetëm shqiptar

Komisioni Republikan i Zgjedhjeve në Serbi, të premten ka shpallur rezultatet përfundimtare të zgjedhjeve të 17 dhjetorit në Serbi.

Shaip Kamberi edhe zyrtarisht e ka fituar mandatin e katërt si deputet në Kuvendin e Serbisë, transmeton albinfo.ch.

Kamberi garoi me listën “Lufta politike e shqiptarëve vazhdon – Shaip Kamberi” në zgjedhjet e jashtëzakonshme më 17 dhjetor, shkruan koha.net. Ai do të jetë përfaqësuesi i vetëm i shqiptarëve në Kuvendin e Serbisë.

Lista e udhëhequr nga Kamberi mori 13.501 vota apo 0.35 për qind dhe fitoi një mandat në Kuvend.

Sipas rezultateve përfundimtare, në zgjedhjet në Serbi, të cilat nga shtetet perëndimore u kontestuan për shumë parregullsi, kanë votuar 3.815.007 persona me të drejtë vote.

Partia e Aleksandar Vuçiqit ka dalë bindshëm e para me 129 mandate, ndjekur nga “Serbia kundër dhunës” me 65 mandate. Partia e Ivica Daçiqit fitoi 18 mandate.