Ushtritë e Kosovës dhe Shqipërisë përfunduan stërvitjet 72-orëshe për reagim në luftim

Foto FB: Ejup Maqedonci

Ushtarët e Forcës së Sigurisë së Kosovës dhe ata të Forcave të Armatosura të Shqipërisë kanë përfunduar sot stërvitjen e përbashkët 72-orëshe të “Kursit Komando”.

Ministri i Mbrojtjes i Kosovës, Ejup Maqedonci, përmes një postimi në rrjetin social “Facebook” ka bërë të ditur se efektivët e Forcave të Armatosura të Shqipërisë u sforcuan fizikisht dhe psikologjikisht në një terren në kushte aspak të lehta për të stimuluar reagimin në fushën e luftimit dhe sjelljen në kushtet e mbijetesës, përcjell albinfo.ch.

“Në këtë stërvitje 72-orëshe në Feken, efektivët e Forcave të Armatosura u sforcuan fizikisht dhe psikologjikisht në një terren dhe kushte aspak të lehta për të simuluar reagimin në fushën e luftimit dhe sjelljen në kushtet e mbijetesës. Me përfundimin e suksesshëm të kësaj stërvitje, ushtarakët tanë treguan karakter dhe nivel të lartë përgatitjeje”, ka shkruar ai.