Gjermania aprovon ligjin që lehtëson marrjen e pasaportës gjermane dhe dyshtetësinë

Pasaporta gjermane, Pixabay

Deputetët gjermanë kanë votuar në favor të ndryshimit të ligjit që do t’i hapë rrugë mundësisë për dyshtetësi, përcjell albinfo.ch.

Bundestagu të premten votoi për lehtësime në marrjen e shtetësisë.

Qeveria gjermane ka thënë se ligji do ta ndihmojë Gjermaninë të tërheqë punëtorë të aftë dhe të plotësojë shkurtesat e punëtorëve që ka.

382 vota ishin për, 234 kundër dhe 23 abstenime.

Si ndryshojnë rregullat?

Me ligjin e ri, të huajt do të mund të aplikojnë për pasaportë gjermane pas pesë në vend të tetë vjetëve në Gjermani. Në rastet kur aplikuesit janë “të integruar jashtëzakonisht mirë”, marrja e shtetësisë do të jetë e mundshme pas tri vjetësh.

Dyshtetësia zakonisht lejohej vetëm për shtetasit e vendeve të tjera të Bashkimit Evropian ose Zvicrës, por për migrantët e tjerë lejohej në disa raste të jashtëzakonshme.

Lehtësimi bën të mundur marrjen e drejtpërdrejtë të dyshtetësisë pavarësisht se nga vjen aplikuesi.

Kjo lejon mijëra turq, përfshirë ata të gjeneratës së tretë, prindërit e gjyshërit e të cilëve shkuan në vitet 1950, të bëhen shtetas dhe votues.