Gërvalla vazhdon takimet në Monako, në fokus anëtarësimi i Kosovës në KE

Bashkëpunimi në politikën e jashtme, thellimi i bashkëpunimit mes dy parlamenteve dhe mbështetja në anëtarësimin e Kosovës në organizata të tjera ndërkombëtare, ishin temat qendrore të takimit të kryediplomates kosovare, Donika Gërvalla, me kryetarin e Komisionit për Politikë të Jashtme të Parlamentit të Monakos, Fabrice Notari, përcjell albinfo.ch.

Gjatë takimit biseda u fokusua në aktualitetin politik dhe sigurinë në Kosovë dhe rajon, procesin e anëtarësimit të Kosovës në​ Këshillin e Evropës, marrjen e statusit të anëtarit të përhershëm në Organizatën e Frankofonise dhe tema të tjera me interes të përbashkët, transmeton albinfo.ch.

Gërvalla shprehu falënderimin e saj ndaj Monakos për mbështetjen që i ka dhënë Kosovës në fusha të ndryshme, e sidomos në fushën e telekomunikimit si dhe në procesin e anëtarësimit në organizata ndërkombëtare.