Hovenier në BQK, kërkon të shtyhet vendimi për dinarin serb

Foto FB: U.S. Embassy Pristina, Kosovo

Ambasadori i Shteteve të Bashkuara të Amerikës në Kosovë, Jeffrey Hovenier, në takimin me guvernatorin e Bankës Qendrore të Kosovës, Ahmet Ismaili, ka kërkuar që të shtyhet vendimi për ndalimin e përdorimit të dinarit serb në Kosovë, duke thënë se e respekton Kushtetutën, por se nevojitet kohë që serbët të mësohen me këtë.

Ai ka thënë se BQK-ja e ka autoritetin e plotë për vendime të tilla, por që zbatimit i vendimit duhet të shtyhet, ndërsa ka theksuar se duhet të zgjidhen edhe disa çështje që më pas mund të çojnë në zbatimin e vendimit, transmeton albinfo.ch.

“Sot pata një takim produktiv me Guvernatorin e Bankës Qendrore të Kosovës, Ahmet Ismaili. Përsërita shqetësimet e SHBA-së për zbatimin e rregullores së ndryshuar për operacionet me para. Ne kërkojmë që zbatimi të shtyhet për të lënë kohë të mjaftueshme për tranzicion efektiv dhe komunikim publik për të zbutur ndikimin negativ tek qytetarët”, ka shkruar ai.