Granit Xhaka dhe Bayer Leverkusen shkruajnë histori

Me fitoren 2-1 kundër ekipit Mainz, Granit Xhaka dhe ekipi i tij Bayer Leverkusen kanë shkruar një faqe të re në historinë e futbollin gjerman: Plot 33 ndeshje pa asnjë humbje, përcjell albinfo.ch.

Rekordin deri tani e ka mbajtur Bayern me 32 ndeshje pa mposhtje.

Golin e parë për Bayer Leverkusen shënoi mbrëmë pikërisht Granit Xhaka, në minutë e tretë. Ishte ky goli i parë i regjisorit kryesor të lojës së Bayerit në këtë sezon, ndërsa festimi i golit ishte i mrekullueshëm. Ai simuloi një gjoja lëndim, por lojtarët e kuptuan shumë shpejt dhe filluan të simulojnë së bashku, që shihet edhe nga qeshja e madhe në fushë. Pas një shikimi të shqetësuar edhe vetë trajneri Xabi Alonso filloi të bëzeqeshte dhe gjestikulonte me duar.

Mainzi brarazoi në minutën e tetë, ndërsa rezultatin përfundimtar shënoi në pjesën e dytë, mesfushori tjetër Robert Andrich. Bayer Leverkusen aktualisht zë vendin e parë me 61 pikë, që është 11 pikë më shumë se Bayerni, por bavarezët kanë një ndeshje më pak.