Kurti për anëtarësimin e Suedisë në NATO: Evropa është edhe më e sigurt

Albin Kurti, FB

Kryeministri i Kosovës, Albin Kurti, ka uruar Suedinë për anëtarësim në NATO, duke thënë se tani Evropa është edhe më e sigurt.

Në një postim në platformën “X” Kurti ka thënë se mezi presin që ushtarët suedezë të vijnë në Kosovë në kuadër të KFOR-it, raporton Albinfo.ch.

“Urime Suedisë që u bë pjesë e NATO-s si anëtari i 32-të. Një NATO më e fortë do të thotë një Evropë më e sigurt dhe një shans më i madh për paqe pas pushtimit brutal të Ukrainës nga Rusia. Mezi presim të mirëpresim ushtarët e parë Suedisë në kuadër të KFOR-it në Kosovë për të ndihmuar në mbrojtjen e kufirit tonë kundër agresionit të Serbisë”,  ka shkruar Kurti./Albinfo.ch/