Kosova po përballet me erëra të forta, u bëhet apel qytetarëve për kujdes

Foto FB: Kryeqyteti Prishtina

Gjatë ditës së sotme, Kosova po përballet me erëra të forta.

Një gjë e tillë ka ngritur alarm në kryeqytet, ku Komuna e Prishtinës u ka bërë apel qytetarëve që të kenë kujdes gjatë ecjes në parqe dhe afër objekteve të larta, transmeton albinfo.ch.

Ky apel ka ardhur si rezultat i përkeqësimit të motit, ku erërat e forta me shpejtësi 70km/h po fryjnë në kryeqytet.

“Ju lutemi, keni kujdes gjatë ecjes në parqe, afër pemëve apo objekteve të larta, mos kaloni afër tyre për shkak të erërave të forta, të cilat po fryjnë me shpejtësi 70km/h”, thuhet në njoftimin e komunës.

Sipas parashikimeve, sot në Kosovë era do fryjë nga juglindja, e cila në momente të veçanta pritet të jetë jashtëzakonisht e fuqishme, kryesisht në Rrafshin e Kosovës, me shpejtësi prej 20-80 km/h. Në zona të caktuara parashihet të ketë dëme materiale.