Juristja nga Kosova Flutura Kusari nderohet nga Gjermania me ‘Urdhrin e Meritës’

Në një organizim të ambasadës së Gjermanisë në Prishtinë, juristja e medias, Flutura Kusari, ka pranuar Urdhrin e Meritës të ndarë nga Republika Federale e Gjermanisë.

Ky çmim iu nda asaj për përkushtimin e saj për lirinë e medias dhe demokracinë në Kosovë dhe më gjerë. Nderimi nga presidenti federal gjerman Frank-Walter Steinmeier Kusarit iu përcoll nga ambasadori i Gjermanisë në Kosovë, Jorn Rohde ku të pranishëm ishin shumë personalitete mes tjerash edhe deputetja e Parlamentit Evropian, Viola von Cramon.