‘Forcat e armatosura të Serbisë, afër kufirit të Kosovës’, Kurti publikon video

Kryeministri i Kosovës, Albin Kurti, ka publikuar një video në Facebook, duke njoftuar se njësi të specializuara të ushtrisë serbe janë vërejtur disa metra kufirit me Kosovën, në afërsi të fshatit Banje të Zubin Potokut.

Sipas tij, ky veprim vjen pasi presidenti i Serbisë, Aleksandër Vuçiq, publikisht ka kërcënuar Kosovën.

“Ditë më parë, Presidenti i Serbisë, Aleksandar Vuçiq, kërcënoi publikisht Kosovën, duke thënë se “Serbia do të presë momentin më të mirë të mundshëm dhe do ta shfrytëzojë mundësinë për të vepruar. Sot gjatë ditës, njësi të specializuara të ushtrisë së Serbisë janë vërejtur vetëm disa metra larg kufirit me Kosovën, në afërsi të fshatit Banje të Zubin Potokut. Lëvizje të ngjashme janë regjistruar edhe në fshatin Oslare të Bujanovcit, në afërsi të kufirit me Kosovën. Jemi të vetëdijshëm se Forcat e Armatosura të Serbisë janë duke realizuar stërvitjet e rregullta dhe ato janë duke i përdorur si pretekst për të shkaktuar provokime të qëllimshme në afërsi të kufirit me Kosovën. Jemi duke vëzhguar me kujdes se a do të përpiqen ta kalojnë”, ka shkruar Kurti.

VIDEO:

https://www.facebook.com/share/v/NekMfwyK5ia8AQNe/?mibextid=oFDknk