Kosova
Rritet importi i mallrave në Kosovë
Raportohet se për muajt janar-shkurt 2024 në krahasim me periudhën e njëjtë të vitit të kaluar, sipas Doganës së Kosovës, importi i mallrave ka shënuar rritje prej 15%. Njohës të fushës së ekonomisë konsiderojnë se kjo rritje e importit është shqetësuese. Sipas tyre, me import të mallrave, Kosova po importon edhe çmime.
Ndërkohë, niveli i lartë e importit të mallrave vetëm në dy muajt e parë të këtij viti është dëshmi për gjendjen në të cilën ndodhet Kosova, duke u varur nga prodhimet e huaja, përcjell albinfo.ch.
“Deri më tani importi për periudhën janar-shkurt 2024 është 848 milionë euro, e që krahasuar me vitin e kaluar në periudhën e njëjtë paraqet një rritje prej 15%. Vendet prej të cilave importon Kosova më së shumti mallra janë: Turqia, Gjermania, Kina, Greqia, Maqedonia e Veriut, Shqipëria dhe Italia”, thuhet në përgjigjen e Doganës.
Kjo situatë shihet shqetësuese nga Dhoma e Tregtisë dhe Industrisë. Drejtoresha Zana Beqiri konsideron se Kosova duhet të bëjë përpjekje të vazhdueshme për sa më shumë prodhim vendës.
“Numri kaq i madh i importit i materialeve të gatshme, siç janë produktet e ndryshme ushqimore, të cilat mund të prodhohen në Kosovë, atëherë ne e shohim si mjaft problematike, sepse kjo do të thotë që prodhimet tona në vend nuk janë aq të kërkuara apo nuk janë me çmim për konsumatorin në Kosovë dhe për këtë arsye kemi numër kaq të madh të importit”, tha Beqiri.
Ekonomisti Mustafë Kadriaj fajëson Qeverinë Kurti për premtime të papapërmbushura për rritjen e prodhimit vendës.
“Në momentin që je i atakuar nga importi, je edhe nga çmimet që t’i dikton importi, sepse rritet diçka në nivel rajonal, e pësojmë edhe ne që me këtë ngritje të inflacionit çdo ditë e më shumë po rëndohet jeta e qytetarit dhe si rrjedhim i kësaj gjendje, për fat jo të mirë gatishmëria e qytetarit është të largohet”, tha Kadriaj.
Sipas Doganës, Kosova importon më së shumti naftë, vetura, produkte ushiqimore dhe materal ndërtimi. Kësisoj, vlera e mallrave të importuara gjatë vitit 2023 ishte 5.8 miliardë euro.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas