Kosova
Produktet e kompanive nga Kosova promovohen në Londër
MINT/KIESA ka siguruar hapësirën ekspozuese prej 108m2 për pjesëmarrjen e kompanive nga Kosova në Panairin “International Food & Drink Event 2024”, i cili po mbahet në Londër të Anglisë, përcjell albinfo.ch.
ASK Food, Royal Beverage, Vita Food, Magic Ice, Royal Papaer Cups dhe ERC Trade, janë kompanitë kosovare që po i ekspozojnë produktet e tyre para blerësve dhe vizitorëve nga shtete të ndryshme pjesëmarrëse në këtë panair.
Shtandi i Kosovës po vizitohet nga pjesëmarrës të shumtë, të cilët po shprehin interesim për produktet e kompanive tona nga industria ushqimore dhe e pijeve.
Shtandi ku janë të ekspozuara produktet e kompanive tona është vizituar edhe nga Ambasadori i Kosovës në Mbretërinë e Bashkuar, Ilir Kapiti.
Panairi “IFE 2024” vizitohet nga mbi 27 000 vizitorë, të cilët njihen për së afërmi me produktet më të fundit nga industria e ushqimit dhe e pijeve, të cilat ekspozohen nga kompanitë pjesëmarrëse nga 102 vende të botës.
Pjesëmarrja në IFE 2024 është mundësi e mirë për kompanitë vendëse që të shkëmbejnë eksperienca të reja si dhe të krijojnë kontakte që u shërbejnë si pikënisje për lidhjen e marrëveshjeve me kompani të huaja dhe rritje të eksportit.
Krahas kompanive edhe përfaqësuesit nga MINT/KIESA-s po zhvillojnë takime me pjesëmarrës në këtë panair si dhe po shpërndahen edhe materiale promovuese të KIESA-s rreth sektorëve potencialë dhe mundësive për investime në Kosovë.
Shtandi i Kosovës gjendet në ExCel London, Hall N5.
Panairi “International Food&Drink Event – IFE 2024” është i hapur nga data 25 deri më 27 mars 2024.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas