Kosova
PDK prezanton Bedri Hamzën si kandidat për kryeministër të Kosovës
Këtë të mërkurë, kryetari i Partisë Demokratike të Kosovës, Memli Krasniqi ka prezantuar Bedri Hamzën, si kandidat për Kryeministër të Kosovës.
“Sot, kam nominuar Bedri Hamzën si kandidat të Partisë Demokratike të Kosovës për Kryeministër të vendit tonë. Si një personalitet i dëshmuar, Bedriu është përgjigjja jonë ndaj thirrjeve të qytetarëve për jetë, mirëqenie dhe të ardhme më të mirë e më te sigurt”, ka thënë Krasniqi.
Në anën tjetër, Hamza shprehet se është nder të nominohet për kandidim, derisa shton se është përgjegjësi.
“Kosova si një vend me potencial ka nevojë dhe mundësi për një rritje më të përshpejtuar ekonomike. Si një njeri me përvojë të gjatë institucione në funksione të ndryshme dhe duke njohur nga afër Kosovën e paraluftës dhe pasluftës, sektorin privat dhe sektorin publik në komunë, në ministri, në Bankën Qendrore të Kosovës dhe në Kuvendin e Kosovës. Kam një pasqyrë të qartë të së kaluarës, të tashmes dhe një vizion për të ardhmen e vendit tonë. Jam i vendosur të kontribuoj në avancimin dhe zhvillimin e Kosovës në të gjitha fushat”, u shpreh ai.
Opozita në Kosovë ka intensifikuar përpjekjet për të çuar vendin në zgjedhje të parakohshme. Deri më tani ka vetëm një rezolutë të Aleancës për Ardhmërinë e Kosovës që kërkon dorëheqjen e Kryeministrit aktual, Albin Kurtit dhe shpërndarjen e Kuvendit të Kosovës.
Bedri Hamza është aktualisht kryetar i Mitrovicës së Jugut. Më parë ka mbajtur pozitën edhe të Ministrit të Financave, ishte deputet i Kuvendit të Kosovës dhe Guvernator i Bankës Qendrore të Kosovës.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas