Oficeri i FSK-së diplomon në SHBA

Oficeri i Forcave të Sigurisë së Kosovës, Xhemajl Mziu, ka diplomuar me sukses në Kursin e Karrierës së Kapitenit të Manovrës, në Fort Moore të Shteteve tê Bashkuara të Amerikës, përcjell albinfo.ch.

“Edukimi për Kapiten të Karrierës përgatit oficerë për lidership, komandant të ardhshëm të kompanive të përgatitur dhe të trajnuar për detyrat në udhëheqje, trajnim të trupave e planifikim efikas për të qenë në gjendje për të udhëhequr kompaninë drejt realizimit të detyrave për të siguruar paqen kudo në botë”, thuhet në njoftimin e FSK-së.

Në një njoftim për media thuhet se FSK çdo ditë po ngre kapacitetet njerëzore me standardet më të larta të shkollimit dhe edukimit në shkollat dhe akademitë më prestigjioze në botë, falë mbështetjes së vazhdueshme të partnerëve të shtetit të Kosovës.