Lajme
Komiteti kundër “Iniciativës së frenimit të kostos”: Jo, mjekësisë me dy klasa
Në komitet bëjnë pjesë anëtarë të SVP-së, PS-së, FDP-së, GLP-së dhe të Gjelbërve, si dhe shoqatat e personelit infermieror, mjekët e përgjithshëm etj
Të hënën, kundërshtarët e “Iniciativës së frenimit të kostos” nisën fushatën e votimit dhe shpjeguan pse janë kundër këtij mekanizmi. Iniciativa, sipas tyre, sulmon parimet bazë të sistemit shëndetësor solidar, transmeton albinfo.ch. Ata kanë frikë se aksesi në kujdesin shëndetësor nuk do të jetë më i garantuar për të gjithë.
Komiteti jo kundër “iniciativës së frenimit të kostos” ka bërë paralajmërime kundër rrezikut për një “mjekësi me dy nivele”. Nëse do të votohet po për nismën e Partisë së Qendrës (Mitte) më 9 qershor, qytetarët që kanë vetëm sigurimin bazë nuk do të kenë më akses të garantuar në kujdesin shëndetësor, thanë pjesëtarët e komitetit të përmendur, për mediat.
Sipas tyre, nisma nuk thotë se si duhet të ulen kostot e sigurimeve shëndetësore, shkruan srf.ch. Pacientët do të duhet të paguajnë vetë për çdo vizitë të tretë te mjeku, brenda 20 vjetëve të ardhshme.
Sipas nismës, primet e sigurimit shëndetësor nuk duhet të rriten më shumë se pagat.
Në komitetin kundër “iniciativës së frenimit të kostos” bëjnë pjesë anëtarë të SVP-së, PS-së, FDP-së, GLP-së dhe të Gjelbërve, si dhe shoqatat e personelit infermieror dhe mjekëve të përgjithshëm, përcjell albinfo.ch. Të vetmit që mungojnë, janë anëtarët e partisë “Mitte”, e cila është autore e iniciativës.
Këshilli Federal dhe Parlamenti e refuzojnë nismën, gjithashtu. Nëse ajo refuzohet, do të hynte në fuqi një kundërpropozim. Ky i fundit nuk parashikon automatizma të ngurtë, por kërkon objektiva të kostos dhe diskutime midis politikanëve dhe ofruesve të shërbimeve nëse primet rriten ndjeshëm.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit