Shefi i Zyrës së BE-së në Kosovë, thirrje vendit që të heqë ndalimin e produkteve serbe

Shefi i Zyrës së BE-së në Kosovë, Tomas Szunyog, në Forumin e Parë të Investimeve të Qëndrueshme të mbajtur nga Këshilli i Investitorëve Evropianë (EIC), që ka për qëllim ofrimin e një platforme për diskutim dhe prioritizim të nevojave për investime në vend, si sfidat mjedisore dhe ekonomike, ka thënë se për Kosovën dhe Serbinë do të këtë disa kushte shtesë, që të angazhohen në mënyrë konstruktive me rezultate të prekshme në përmirësimin e marrëdhënieve.

Tutje, ai ka inkurajuar Kosovën që të heqë sa më shpejt ndalimin e produkteve serbe në Kosovë.

“Ky është një diskutim me kohë për Kosovën, në fazën e vet të zhvillimit dhe pikë vështrimit të rrethanave ndërkombëtare. Kemi dëgjuar për investime të drejtpërdrejta të huaja, remitenca gjithnjë në rritje, rritjen e vendeve të punës, edhe disa zhvillime pozitive në rritjen e eksportit, të gjitha këto janë zhvillime të mira në raporte të huaja. Po shohim gjëra pozitive që po ndodhin në sektorin e energjisë. Për Kosovën dhe Serbinë do të këtë disa kushte shtesë, që të angazhohen në mënyrë konstruktive me rezultate të prekshme në përmirësimin e marrëdhënieve. Në këtë drejtim lëvizja e lirë e mallrave shërbimeve dhe punëtorëve paraqitet shumë në planin zhvillimor.. Inkurajojmë Kosovën që të heqë sa më shpejt ndalimin e produkteve serbe në Kosovë. Investimet e qëndrueshme kërkojnë vëmendjen e të gjithëve”, ka thënë ai, transmeton albinfo.ch.