Hovenier: Dialogu duhet të përfundojë me njohje

Foto sc: Lidhja Demokratike e Kosovës

Ambasadori i Shteteve të Bashkuara në Kosovë, Jeffrey Hovenier, ka thënë se dialogu mes Kosovës dhe Serbisë është sfidë që duhet të tejkalohet vetëm me njohje reciproke, përcjell albinfo.ch.

Në panel të samitit “The Western Balkans 2024” në Prishtinë, Hovenier ka thënë se është e rëndësishme që të zbatohen marrëveshjet që dy shtetet kanë arritur në kuadër të dialogut.

“Përfundimi i këtij procesi duhet të jetë njohja reciproke në mes të dy shteteve”, ka thënë ai duke shtuar se çka do tjetër më pak nuk e përmbush vizionin për Evropë të plotë, të lirë, të begatë e në paqe.

Hovenier ka thënë po ashtu se “është e nevojshme që të ketë zbatim të plotë nga të dyja, Kosova dhe Serbia, të obligimeve në të cilat janë në këtë proces”.