Ambasada Shqiptare dhe studentët shqiptarë të Neuchâtelit shënojnë 80-vjetorin e çlirimit të Shqipërisë

Përkujtohet 80-vjetori i Çlirimit të Shqipërisë në Neuchâtel

Mbrëmë, në Fakultetin e Drejtësisë në Neuchâtel u organizua një aktivitet përkujtimor me rastin e 80-vjetorit të Çlirimit të Shqipërisë, duke shfaqur filmin historik “Vitet e pritjes” dhe një ekspozitë tematike kushtuar kësaj ngjarjeje të rëndësishme të historisë sonë kombëtare.

Ky aktivitet u organizua nga Ambasada e Republikës së Shqipërisë në Bernë, në bashkëpunim me Shoqatën e Studentëve Shqiptarë të Neuchâtelit.

Të pranishëm ishin studentë shqiptarë, z. Valon Gashi, Sekretar i Parë në Ambasadë, si dhe z. Mustaf Veseli, Koordinator Kombëtar për Bashkëpunim Rajonal dhe Integrim nga Maqedonia e Veriut.

Ambasada shpreh mirënjohjen më të thellë për Shoqatën e Studentëve Shqiptarë të Universitetit të Neuchâtelit për bashkëpunimin dhe angazhimin e tyre në realizimin e këtij aktiviteti.

 

---