Presidentja e Kosovës uron 17-vjetorin e Pavarësisë

Presidentja e Kosovës, Vjosa Osmani ka uruar 17 vjetorin e Pavarësisë. Ajo mori pjesë në ceremoninë e ngritjes solemne të flamurit të Kosovës.

Tha se kjo ditë shënon sukseset e Kosovës e njëkohësisht është falënderim për ata që sakrifikuan.

“Urime 17 Shkurti, 17-vjetori i Pavarësisë së Republikës së Kosovës, për të gjithë qytetarët tanë. Është një ditë kur kujtojmë sakrificën shekullore që ka bërë populli ynë, në mënyrë që ta gëzojmë këtë ditë. Është një ditë kur festojmë sukseset që ka arritur republika jonë në këto 17 vjet, duke forcuar sovranitetin dhe shtetësinë. Por, është edhe një ditë kur ju themi faleminderit të gjithë atyre që sakrifikuan”, ka thënë Presidentja Osmani, përcjell albinfo.ch.