Kosova nënshkruan marrëveshje bashkëpunimi me Gjermaninë në fushën e arkeologjisë

Në Ministrinë e Kulturës u nënshkrua sot marrëveshja e bashkëpunimit me Institutin Arkeologjik Gjerman – një hap i rëndësishëm drejt fuqizimit të kërkimeve arkeologjike dhe hulumtimeve shkencore, përcjell albinfo.ch.

Dokumenti u nënshkrua nga sekretari i MKRS-së, Bislim Bislimi, dhe Dr. Lukas Werther, në prani të ministrit Hajrulla Çeku dhe ambasadorit gjerman në Kosovë, Jorn Rohde.

Marrëveshja parasheh zhvillimin e projekteve të përbashkëta, shkëmbimin e ekspertëve, përdorimin e metodave bashkëkohore të kërkimit dhe avancimin e kapaciteteve profesionale në fushën e trashëgimisë arkeologjike.