Thaçi pas gjashtë muajve sjellë njohjen e parë

Antigua dhe Barbuda është shteti i radhës që ka njohur pavarësinë e Kosovës, duke çuar në 109 numrin e shteteve që e kanë njohur realitetin evropian

Antigua dhe Barbuda është shteti i radhës që ka njohur zyrtarisht Republikën e Kosovës si shtet të pavarur. Notën verbale të njohjes e ka pranuar zëvendëskryeministri i parë dhe ministri i Punëve të Jashtme, Hashim Thaçi nga homologu i tijm Charles Fernandez që njëherit është edhe ministër i Tregtisë Ndërkombëtare.

Në notën verbale thuhet se Antigua dhe Barbuda e përshëndetë progresin e shënuar në bisedimet mes Republikës së Kosovës dhe Republikës së Serbisë, që kontribuon për të mirën e të dy vendeve, dhe se këto bisedime do të ndikojnë në masë të madhe në vendosjen e paqes dhe stabilitetit në rajon.

Antigua dhe Barbuda e përgëzojnë Kosovën për përpjekjet e saj në ndërtimin e një shoqërie demokratike të mbështetur në parimet e të drejtave të barabarta, drejtësisë dhe paqes dhe se e mirëpret bashkëpunimin me Republikën e Kosovës.

Në pesë vitet e fundit, zëvendëskryeministri i parë Thaçi ka zhvilluar takime të vazhdueshme me ish-kryeministrin e Antigua dhe Barbuda, Winston Baldwin Spencer, dhe me zyrtarë të tjerë të lartë të këtij vendi, thuhet në njoftimin e MPJ-së.

“Njohja nga Antigua dhe Barbuda vjen në një periudhë kur shumica e shteteve anëtare të OKB-së tashmë kanë njohur pavarësinë e Kosovës dhe fokusi i diplomacisë kosovare eshte tek anëtarësimi ne organizata ndërkombëtare”, thuhet në ministrin e Jashtme. .

Antigua dhe Barbuda është një shtet i përbërë nga ishuj, që ndodhen ndërmjet Detit të Karaibeve dhe Oqeanit Atlantik, në kuadër të Komonuellthit të Kombeve. Ky shtet bën pjesë bashkësinë e Komonuellthit të Kombeve, ka 81mijë banorë me kryeqytet Saint John’s. Kjo njohje  e çon në 109 numrin e shteteve që e kanë njohur realitetin evropian.

“Lajm i shkëlqyer! Sapo morra njoftimin zyrtar për njohje nga shteti karaibian i Antigua dhe Barbuda. Njohja e Republikës së Kosovës nga shtetet dhe organizatat ndërkombëtare nuk ka të ndalur”, ka shkruar Hashim Thaçi në facebook. Kjpo është njogja e parë e Hashim Thaëit, prej që ky është emruar ministër i jashtëm, tash e gjashtë muaj.