Lushtaku e Selimi dërgohen në paraburgim

Nga masa e arrestit kanë shpëtuar vetëm ata që janë dënuar nën 5 vjet janë, derisa Lushtaku e Selim janë transferuar në paraburgim. Grupi i Drenicës u dënua me 50 vjet burg

Menjëherë pas shpalljes së verdiktit nga Gjykata Themelore në Mitrovicë, ish komandantët e UÇK-së janë arrestuar dhe janë dërguar në qendrën e paraburgimit. Nga masa e arrestit kanë shpëtuar vetëm ata që janë dënuar nën 5 vjet janë, derisa Sami Lushtaku e Sylejman Selim janë transferuar në paraburgim.

Ish-Komandanti i Zonës së Drenicës, Sami Lushtaku është dënuar me 12 vjet, ndërsa, Sylejman Selimi, ish komandant i Shtabit të Përgjithshëm me 6 vjet burg. Selimi megjithatë është dënuar edhe me 8 vjet të tjera për një vepër tjetër që lidhet gjithashtu me krime lufte (Drenica2).

Së bashku me Selimin e Lushtakun me gati gjysmë shekulli burgim janë dënuar edhe Jahir e Zeqir Demaku dhe Isni Thaçi me nga 7 vjet secili. Ndërsa për veprën penale keqtrajtim të personave të ndaluar, me nga 3 vjet janë dënuar Agim, Bashkim, Driton dhe Selman Demaj, Fadil dhe Nexhat Demaku.

Nga aktakuza u liruan Sabit Geci, Jahir Demaku, Avni Zabeli, Ismet Haxha dhe Sahit Jashari.

Dënimi i tyre do të reflektohet edhe nmë komuna kua ata jetojnë në Drenas dhe Skenderaj. Derisa Lushtaku është zgjedhur kryetar i Komunës së skenderjat, Nexhat demaku është kryetar i Komunës së drenasit. Sipas ligjit, nëse gjykimi bëhet i plotfuqishëm, këto dy komuna shkojnë në zgjedhje të jashtëzakonshme për kryetar komune.

Menjëherë pas këtij vendimi kanë reaguar Organizatat e dala nga lufta e UÇK-së, të cilët  u kanë bërë thirrje deputetëve të Kuvendit të Kosovës që të mos e votojnë Gjykatën Speciale, sepse vetëm kështu, sipas tyre, ndërpriten padrejtësitë ndaj luftës çlirimtare dhe pjesëtarëve të saj.

Kundër dënimeve të larta për ish-eprorët e UÇK-së kanë reaguar deputetët Rexhep Selimi dhe Daut Haradinaj. “Kur bëhet fjalë për dënimin e luftëtarëve të UÇK-së, atëherë vetëm drejtësia mungon”, ka thënë Selimi, derisa mbrojtja ka deklruar se menjëherë do të bëj ankesë në Gjykatën e Apelit.

Ndryshe, sipas aktakuzës, Sami Lushtaku ka vrarë me tre plumba një kolaboracionist shqiptar në rajonin e Drenicës, ndërsa Sylejman Selimi dhe të tjerët kanë keqtrajtuar fizikisht dhe kanë torturuar një spiun në vitit 1998. ata po ashtu akuzohen edhe për keqtrajtim të disa të burgosurve në burgun e Likovcit në Drenicë.