Sot përpjekja e 31-të e konstituimit të Kuvendit

Sot edhe një përpjekje për konstituim të Kuvendit

Deputetët e Kuvendit të Kosovës do të mblidhen edhe një herë në tentim për t’i dhënë fund seancës konsitutive të nisur më 15 prill, përcjell albinfo.ch.

Ky është vazhdimi i 31-të dhe pritet të nisë në orën 11:00.

Të mërkurën kur ka dështuar për herë të fundit të bëhet konstituimi i Kuvendit, për të 22-tën herë, kryesuesi i seancës, Avni Dehari, ka vazhduar me rendin e ditës të cilin e ka përcaktuar vetë, me formimin e komisionit parlamentar për votimin e fshehtë të kryeparlamentarit.

Si në të gjithë herët paraprake, përfaqësues të partive që deri në legjislaturën e shkuar kanë qenë në opozitë, as nuk kanë propozuar anëtarë për këtë komision dhe as nuk kanë marrë pjesë në votim, duke e pamundësuar kuorumin vendimmarrës.

Pas dështimit taborët politikë kanë hedhur përgjegjësinë tek njëri-tjetri derisa janë refuzuar mes vete për bashkëpunime politike, të cilat do ta nxirrnin Kuvendin nga bllokada. 

---