Wizzair me linjat Bazel e Barcelonë

Nga ky muaj dhe gjatë muajit të ardhshëm, aviokompania me buxhet të ulët “Wizzair” lëshon në funksion dy linja nga Shkupi dhe Ohri për Bazel dhe Barcelonë

Duke filluar nga ky muaj dhe gjatë muajit të ardhshëm, aviokompania me buxhet të ulët “Wizzair” lëshon në funksion dy linje të drejtpërdrejta nga Shkupi dhe Ohri në drejtim të disa qendrave evropiane. Njëra nga këto linja do të jetë ajo për Bazel nga aeroporti“ Shën Pali” i Ohrit

Nga aeroporti i Shkupit “Aleksandri i Madh” me linje të drejtpërdrejta do të udhëtohet në Barcelonë, Oslo, Nurenberg, Hamburg dhe Fridrihshafen dy herë në javë, ndërsa nga aeroporti i Ohrit  do të ketë linje të drejtpërdrejt për në Bazel, gjithashtu dy herë në javë, transmeton INA.

Destinacionet e reja janë në pajtim me Marrëveshjen për mbështetje financiare për vendosjen e linjave të reja nga aeroportet në Shkup dhe Ohër për periudhën prej vitit 2015 deri në vitin 2018, e nënshkruar mes Ministrisë së Transportit dhe Lidhjeve dhe aviokompanisë “Wizzair”.

Gjatë periudhës së kaluar, përmes projektit për dhënien e ndihmës financiare për linjet e reja ajrore, janë vendosur fluturime të drejtpërdrejta për në Malme, Bazel-Millhause, Milano, Bergamo, Ajdhoven, Dortmund, Memingen, Munih, Stokholm, Geteborg, Londër-Luton, Venecie, Frankfurt, Paris, Bruksel, Këln dhe Romë.

Ndryshe, “Wizzair” është kompania më e lirë që funksion në tregun ballkanik. Për, vetëm 1.799 denarë (30 euro) do të fluturohet nga Shkupi drejt Barcelonës, ndërsa për Hamburgu dhe Nirnbergu çmimi i biletave sillet prej 1.499 (25 euro), gjegjësisht 1.199 denarë (20 euro).