Fluturime të reja midis Zvicrës dhe Egjiptit do të fillojnë në qershor

Keystone (AP Photo/Carolyn Kaster)

Nesma Airlines egjiptiane njoftoi se, duke pasur parasysh “kërkesën e lartë të vazhdueshme për pushime në plazh në Egjipt”, po zgjeron rrjetin e saj të itinerareve me fluturime direkte midis Hurghadës dhe Cyrihut dhe EuroAirport Bazelit.

Do të nisë fluturimet e saj nga Bazeli më 28 qershor, duke operuar të enjteve dhe të dielave për në Hurghada deri më 15 tetor, transmeton albinfo.ch.

Fluturimet për në Cyrih do të pasojnë më 11 korrik, të mërkurën dhe të shtunën deri më 21 tetor.