Sivjet më pak pushues në Velipojë

Siç raportojnë mediet shqiptare, arsyeja më e madhe e pakësimit të pushuesve, është kryesisht mungesa e infrastrukturës

Çmimet e larta dhe mungesa e infrastrukturës ka ndikuar që sivjet të ketë më pak turistë në Velipojë. Siç raportojnë mediet shqiptare, arsyeja më e madhe e pakësimit të pushuesve, është kryesisht mungesa e infrastrukturës.

Rrugët e papastruara, mbeturinat e pahequra dhe mungesa e plazheve publike tregojnë se në këtë zonë mungon tërësisht dora e pushtetit vendor, raporton TCh. Shqetësimi më i madh për pushuesit nga Kosova është papastërtia në çdo cep, por edhe çmimet ekstrem të larta për ofertën.

Velipoja ishte njësi administrative më vete, ndërsa tani është pjesë e Bashkisë së Shkodrës, e cila ende nuk ka nisur punën. Dhe kjo, sipas medieve shqiptare, është reflektuar në vënien e rendit dhe ligjit nëpër qytezë.

Në anën tjetër,. Dias pushues që kanë qenë në Velipojë janë ankuar se çmimet e banimit kanë qenë shumë të larta. Ata i kanë thënë albinfo.ch, se pas festës së Bajramit në Velipojë një dhomë ka kushtuar deri 50 euro, që ka qenë më e lartë se sa në Sarandë, Ksamil e vendet tjera.