Rreth 200 trafikantë, fituan 20 milionë €

Në fund të vitit që lamë pas dhe në fillim të këtij viti, besohet se e eksodin kosovar e kanë organizuar rreth 200 trafikantë. Ata besohet se fituan rreth 20 milionë euro

Vala e madhe e refugjatëve kosovarë që shpërtheu një vit më parë, shqetësoi institucionet vendore, por edhe ato të Bashkimit Evropian. Mirëpo në këtë mesele, ishte një klan trafikantësh që iu gëzua këtij eksodi, duke fituar para të majme nga trafikimi i refugjatëve nga Kosova drejt BE-së,

Siç raporton gazeta “Zëri”, në fund të vitit që lamë pas dhe në fillim të këtij viti, besohet se e eksodin kosovar e kanë organizuar rreth 200 trafikantë, të cilët kanë qenë të vendosur kryesisht në Paliq të Suboticës, një lokacionin e fundit prej nga refugjatët “kërcenin” në Hungari.

Burime nga institucionet e sigurisë, bëjnë të ditur se në mesin e trafikantëve ka pasur shtetas të Kosovës, të Serbisë, por edhe të Maqedonisë, të cilët për një periudhë disamujore kanë arritur t’i çojnë ilegalisht në vende të ndryshme të Bashkimit Evropian rreth 80 mijë kosovarë.

Sipas këtyre burimeve, trafikantët vlerësohet se i kanë përfituar rreth 20 milionë euro brenda një periudhe 7 muajshe, nga shatori 2014 deri në fund të marsit 2015. gjatë kësaj periudhe mijëra kosovarë ia kishin mësyrë Bashkimit Evropian, duke e kaluar ilegalisht kufirin serbo-hungarez.