Kreditë në franga zvicerane shndërrohen në euro

Në Mal të Zi prej sot ka hyrë në fuqi ligji për shndërrimin e kredive nga franga në euro dhe norma e interesit në llogaritjen e re do të arrijë në 8.2 për qind në vit.

Keystone

Në Mal të Zi vetëm banka Hipo-Alpe Adrija ka dhënë kredi në franga zvicerane dhe është e obliguar që brenda 30 ditëve nga hyrja në fuqi e ligjit të bëjë konvertimin e kredive nga franga zvicerane në euro me kursin kur është lidhur marrëveshja e kredisë, shkruajnë mediet malazeze.

Banka është detyruar pas konvertimit në euro të kredisë të llogarisë normën fikse të interesit prej 8.2 për qind.
Hypo-Alpe-Adria Bank me këtë rast tha se do të veprojë sipas ligjit dhe akteve nënligjore, të cilat do t’i përgatisë Banka Qendrore.

Përfaqësues të Shoqatës së përdoruesve të kreditit, të cilët shkojnë në rreth 600, e konsiderojnë kthimin e kredive më të lehtë.