Maqedonisë po i ikë “truri”

Në 15 vitet e fundit nga Universiteti “Shën Kirili dhe Metodi” në Shkup kanë ikur rreth 500 profesorë

Universiteti “Shën Kirili dhe Metodi” në Shkup ka dekoruar të mërkurën më shumë se dyzetë studentë të këtij universiteti, të cilët kanë diplomuar gjatë dy viteve të fundit. Mirëpo, hendikep për ta mbetet punësimi në Maqedoni, prandaj shumica mendojnë ta marrin biletën njëdrejtimëshe për në Evropë.

Por, ka edhe të tillë që janë të kënaqur dhe nuk kanë në plan që ta lëshojnë vendin, transmeton zhurnal.mk

Rektori Velimir Stojkovski është i kënaqur nga cilësia e këtyre njerëzve të rinj, por mendon se nuk duhet vetëm ato si universitet, po edhe shteti të përkujdeset për t`i mbajtur kuadrot më të mira.

Njëra prej arsyeve e ikjes së trurit sipas rektorit janë mangësitë në Ligjin për arsimin e lartë në të cilin me vite nuk kanë mundësi për t`u punësuar asistent të rinj në fakultete. Në 15 vitet e fundit nga Universiteti “Shën Kirili dhe Metodi” në Shkup kanë ikur rreth 500 profesor.