Asnjë haxhi kosovar nuk është përfshirë në tragjedi

“Nuk ka as të vdekur, por as të lënduar nga grupi i haxhinjve kosovar”,  ka thënë zëdhënësi i Bashkësisë Islame të Kosovës, Ramadan Shkodra

Asnjë haxhi nga Kosova që po kryen pelegrinazhin në Arabinë Saudite, nuk është përfshirë në tragjedinë e sotme në Mekë ku humbën jetën më shumë se 300 haxhinj dhe rreth 400 të tjerë u lënduan. Këtë e ka konfirmuar zyrtarë nga Bashkësia Islame e Kosovës, e cila ka organizuar shkuarjen në haxh.

“Nuk ka as të vdekur, por as të lënduar nga grupi i haxhinjve kosovar”,  ka thënë zëdhënësi i Bashkësisë Islame të Kosovës, Ramadan Shkodra.

Ndryshe, sivjet pelegrinazhin në Meke dhe Medine e kanë kryer  867 besimtarë kosovarë. Haxhinjtë nga Kosova kanë udhëtuar me aeroplan nga Prishtina drejet Xhedas.

Së paku 310 persona që po merrnin pjesë në Haxh kanë vdekur si pasojë e tollovisë dhe shtyrjeve të mëdha afër qytetit të shenjtë islamik, Meka. Mediet nga Arabia Saudite ka thënë se edhe 450 të tjerë janë lënduar si pasojë e këtij incidenti. Shtyrja mes pelegrinëve ndodhi në ditën e parë të festës së Kurban Bajramit.

Këtë vit më shumë se 2 milionë pelegrinë ndodhen në Mekë.