Lajme

A do të votohet Qeveria Hoti javën e ardhshme

Arban Abrashi, anëtari i kryesisë së Lidhjes Demokratike të Kosovës, ka deklaruar se si LDK po presin materialet dhe shkresat përcjellëse dhe posa t’i marrin ato nga Gjykata Kushtetuese, do të bëjnë kërkesë për seancën e Kuvendit të Kosovës, ku do të votohet Qeveria Hoti.

Abrashi tha se e kanë pritur një vendim të tillë nga Gjykata Kushtetuese, pasi edhe komentet e tyre janë bazuar në Kushtetutë dhe praktikat e vendeve të tjera.

“Është një aktvendim që është në përputhje me Kushtetutën që i hap rrugë formimit të qeverisë së re, e cila është më se e nevojshme”, tha ai në Tv Dukagjini, përcjell albinfo.ch.

Abrashi ka thënë se nëse VV mendon që me këtë gjuhë do të qeverisë apo do të ketë mbështetjen e LDK-së, le ta harrojë.