Abazoviç nuk e ndal “luftën” kundër korrupsionit dhe krimit të organizuar

Mediat malazeze shkruajnë se drejtori i Administratës së Pasurive të Paluajtshme, Dragan Kovaçeviç, Ana Lakiqeviç e Kërsto Paviqeviç, shefe e njësisë regjionale në Tivar dhe drejtorisë dhe një gjeometër janë ndaluar ditën e sotme në Mal të Zi, pasi akuzohen për abuzim me pozitën e tyre zyrtare, përcjell albinfo.ch.

Së fundmi, prokurorja speciale, Lidija Mitroviç, ka urdhëruar ndalimin e tyre për 72 orë, pasi dyshohet se kanë abuzuar me detyrën e tyre zyrtare dhe kanë përdorur burime shtetërore për qëllime personale.

Nënkryeministri malazez, Dritan Abazoviç, tha se qeveria e re ka premtuar një luftë kundër korrupsionit e krimit të organizuar dhe kjo do të vazhdojë.

“Sidomos kundër korrupsionit të nivelit të lartë, i cili çon tek njerëzit që kanë mbajtur poste të rëndësishme. Unë mendoj se drejtori i Administratës së Patundshmërive është një pozitë jashtëzakonisht e rëndësishme në çdo vend… ka të bëjë drejtpërdrejt me kadastrat e të gjitha komunave. Kishte parregullsi të shumta atje. Unë respektoj prezumimin e pafajësisë… por unë dua të lavdëroj SDT-në”, Abazoviç.

---