Bota

Adoleshenti gjerman humb patentë shoferin pas vetëm 49 minutave

Adoleshenti ishte në veturë së bashku me katër shokë të tij, ku ishin dal duke festuar marrjen e patentë shoferit

Një adoleshent gjerman ka humbur patentë shoferin për më pak se një orë që e kishte marrë.

Adoleshenti është kapur duke vozitur shpejt në qytetin e Hemerit vetëm 49 minuta, pasi e kishte marrë, njoftoi BBC.

Ai është kapur nga oficerët e policisë, ku ishte duke vozitur 95 kilometra në orë, në një zonë që lejohej vetëm 50km/h, përcjell albinfo.ch.

“Disa gjëra zgjasin përgjithmonë-për të tjerët as një orë”, shkruan policia gjermane në deklaratën e tyre.

Adoleshenti ishte në veturë së bashku me katër shokë të tij, ku ishin dal duke festuar marrjen e patentë shoferit, përcjell tutje albinfo.ch.

Tani ai do të përballet me një dënim të rreptë, derisa do të presë pak kohë, në mënyrë që ai të aplikoj sërish.

Ai është zyrtarisht i ndaluar të vozitur veturën për të paktën katër javë, derisa autoritet kanë thënë se do t’i japin licencën pas “rikualifikimit të shtrenjtë”.

18-vjeçari gjithashtu do të duhet të paguajë një gjobë prej 227 dollarë (200 euro). Policia tha se ata kanë gjasa të zgjasin periudhën e provës prej dy deri në katër vjet.