Kosova
Aktakuza për masakrën e Dubravës pritet të ngritet së shpejti
Aktakuza ndaj të dyshuarve për masakrën e Dubravës, që është kryer mbi të burgosurit shqiptarë prej 19 deri më 24 maj të vitit 1999, pritet të ngritet së shpejti.
Prokurori i Prokurorisë Speciale të Kosovës, Ilir Morina, për televizionin publik tha se hetimet për këtë masakër tashmë kanë përfunduar, shkruan albinfo.ch.
“Kemi arrestuar një të dyshuar për masakrën e Dubravës, hetimet janë duke u zhvilluar që një kohë të gjatë. Jemi në fazën e vlerësimit të provave për mundësinë që brenda javësh, për të mos thënë muajsh, të ngremë një aktakuzë në këtë rast”, tha ai.
Rasti i Staradranës, ku janë vrarë 16 civilë, sipas tij, është rasti tjetër për të cilin do të ngritet aktakuzë.
“Edhe në atë rast kanë përfunduar hetimet, jemi në përpunimin e dosjes me mundësinë që brenda javësh ta ngremë aktakuzën”, shtoi ai.
Sipas tij, problemet politike, si bashkëpunimi me Serbinë, janë faktori kryesor që pengojnë hetimin e këtyre rasteve, teksa tha se me rritjen e numrit të hetuesve është mundësuar mbledhja e fakteve dhe se po bëhet më shumë punë për zbardhjen dhe dënimin e kryerësve të krimeve të luftës.
Ndryshe, masakra e Burgut të Dubravës është kryer mbi të burgosurit shqiptarë prej 19 deri më 24 maj të vitit 1999, teksa nga kjo masakër mbetën të vrarë 160 shqiptarë dhe janë plagosur më shumë se 300 të tjerë.
Të tjera nga Kosova
E-Diaspora
-
Shqipëria, pjesë e paradës së karnavaleve në Berlin Bëhet e ditur se edhe Shqipëria do të jetë pjesë e paradës së karnavaleve në Berlin,...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”