Alpinistët nga Kosova krenohen që pushtuan Everestin

Nazmi Hasanramaj dhe Arineta Mula nga Klubi Alpin Prishtina janë shprehur se ishin shumë të lumtur që kanë pushtuar majën më të lartë në botë, derisa kanë vendosur flamurin kombëtar dhe atë të Kosovës

Ekipi kosovar është kthyer, pasi kanë arritur të pushtojnë majën më të lartë në botë, Everestin, 8848 metra lartësi, njofton albinfo.ch.

Nazmi Hasanramaj dhe Arineta Mula nga Klubi Alpin Prishtina janë shprehur se ishin shumë të lumtur që kanë pushtuar majën më të lartë në botë, derisa kanë vendosur flamurin kombëtar dhe atë të Kosovës.

Ata kanë thënë se kanë pasur përkrahje të madhe nga shqiptarët me mesazhet e tyre, kurse ekspedita ka zgjatur rreth dy muaj.

Ekspedita ka qenë shumë interesante dhe me shumë sfida, në atë që njihet si sfida më e madhe e alpinistëve në botë.

Kujtojmë që vetëm në këtë vit, dhjetë persona kanë vdekur, duke u munduar të pushtojnë majën e Everestit.