Shqipëria

Ambasadori Zingraf: “Ruajtja e distancës shpëton jetë!”

Ambasadori gjerman shprehet lidhur me situatën aktuale

E enjte, 9 Prill 2020 - 8:20 albinfo.ch

Ambasadori gjerman në Shqipëri, Peter Zingraf, shprehet lidhur me situatën aktuale:

“Në luftën kundër Corona-Virusit, në Gjermani njësoj si në Shqipëri e kudo gjetkë, vlen e njëjta gjë: “physical distancing” shpëton jetë. Nuk na lejohet ta harrojmë këtë dhe duhet ta vazhdojmë të ruajmë distancën e të qëndrojmë në shtëpi! Ne si Ambasadë po japim kontributin tonë: nuk ka më vizitorë në Ambasadë, për kontaktet tona kujdesemi përmes lidhjeve telefonike dhe digjitale. Natyrisht, na vjen keq që nuk mund të shkojmë në park apo breg të detit, por po kaq gëzohemi që do të mund t’i rekuperojmë të gjitha këto pas krizës.

Së bashku me Bashkimin Evropian ne japim mbështetjen tonë për Shqipërinë në luftën kundër Corona-s. Rruga e Shqipërisë çon drejt Evropës, Gjermania qëndron në krah të shqiptarëve në sfidat e mëdha të të ardhmes së afërt: kapërcimi i pasojave të virusit Corona, rindërtimi pas tërmetit dhe vijimi i rrugës së reformave me sytë nga bisedimet, që na presin për anëtarësimin në BE”. /Albinfo.ch