Apeli konfirmon aktakuzën ndaj ish-kryetarit të Klinës

Gjatë procesit të ndarjes së banesave sociale, PDK-ja, LDK-ja, AAK-ja dhe LDD-ja kanë bërë marrëveshje politike për shpërndarjen e banesave, duke anashkaluar aplikantë me gjendje më të rëndë

Gjykata e Apelit e ka lënë në fuqi aktakuzën ndaj ish-kryetarit të Komunës së Klinës, Sokol Bashota. Ai dhe tre persona tjerë akuzohen për keqpërdorim të detyrës zyrtare.

Ish-kryetari i komunës nga PDK-ja gjithashtu akuzohet për mosraportim ose raportim të rremë të pasurisë. Të akuzuarit tjerë janë Esat Raci, Enver Berisha e Fadil Gashi.

Sipas Prokurorisë, gjatë procesit të ndarjes së banesave sociale, PDK-ja, LDK-ja, AAK-ja dhe LDD-ja kanë bërë marrëveshje politike për shpërndarjen e banesave, duke anashkaluar aplikantë me gjendje më të rëndë, e duke ua ndarë ato njerëzve të afërt me ta.