Apple u bindet rregullave të BE-së

 

iPhone i ri i Apple me shumë gjasa do të të ketë një portë për mbushës USB-C, kur të prezantohet më 12 shtator.

Aktualisht, celularët e kësaj kompanie përdorin adapterin Lightning, ndryshe nga rivalët si Samsung.

Raportohet se një ligj i Bashkimit Evropian kërkon që prodhuesit e celularëve të miratojnë një portë të përbashkët karikimi brenda dhjetorit të vitit që vjen për të kursyer paratë e konsumatorëve dhe për të ulur mbetjet, përcjell albinfo.ch.

Shumica e produkteve të reja të Apple, si iPad-ët e fundit tashmë përdorin USB-C, por kompania kishte argumentuar kundër rregullave të BE-së.

Kur u prezantua në shtator 2021, një përfaqësues i Apple tha për BBC News: “Rregullorja e rreptë që detyron vetëm një lloj lidhësi mbyt inovacionin në vend që ta inkurajojë atë, gjë që nga ana tjetër do të dëmtojë konsumatorët në Evropë dhe në mbarë botën”.

Adapterët nga Lightning në USB-C janë tashmë të disponueshëm nga markat e tjera të elektronikës, përfshirë Amazon, kurse të gjithë iPhone, që nga iPhone 8 që u lansua më 2017, kanë mbështetur karikimin wireless.

Meqenëse iPhone 14 aktual tani duket të jetë pajisja e fundit e Apple që e përdor ekskluzivisht adapterin Lightning, kjo mund të shënojë fillimin e fundit të lloj të tij.

 

 

---