Gruaja
Argjira Blakaj pushton ballinat e magazinës së famshme “Assure”
23 vjeçarja e rritur në Friburg të Zvicrës muaj më parë arriti të mbulojë ballinat e magazinës së njohur “Assure”
Magazina “Assure” shquhet për natyrën e saj të promovimit të bukurisë dhe modës. Ajo shpërndahet ndërkombëtarisht, e kësisoj ka një publik të gjerë. Fatmirësisht, së fundi ky publik i gjerë ka pasur mundësinë të njihet me Argjira Blakajn, e cila ka përfaqësuar bukurinë e gruas shqiptare. Një arsye legjitime mburrjeje për vajzën shqiptare.
“Ishte ndjenjë krenarie për ta prezantuar bukurinë e gruas shqiptare”, thotë ajo për albinfo.ch.
Argjira ka përfunduar studimet për gjuhë të huaja në Zvicër ndërsa merret me manekenizëm e me modelizëm që nga mosha 17 vjeçare. Ajo tashmë është pjesë e një agjencie të manekenizmit në Lozanë.
Vajza me rrënjë nga Kosova së fundmi kishte përfunduar një set fotografik dhe i ishte propozuar që këto fotografi t’i dërgoheshin magazinës së famshme. “Assure” jo vetëm që kishte pranuar t’ia publikonte ato, por e panë kishte vendosur foton e Argjirës në ballinë.
“Pas disa ditësh, fotografi më kontaktoi, duke me përgëzuar për faktin se revista kishte vendosur ta vinte foton time në ballinë”, thotë ajo.
Përfshirja në një revistë të tillë me nam i mundësoi asaj famë më të madhe, e kësisoj edhe oferta të tjera. Mirëpo Argjira ka një fokus tjetër.
“Kam pasur oferta te shumta, por preokupimi im kryesor është përfundimi i studimeve pasi qe jam në semestrin e fundit për gradën master në universitet. Kjo nuk më mundëson momentalisht kohë të mjaftueshme për aktivitetet tjera, që për mua janë hobi.”
Blakaj i inkurajon të gjitha vajzat që të ndjekin ëndrrat e tyre e të mos dorëzohen.
“Edhe pse për mua, përvoja e parë për të qenë Miss nuk ishte e suksesshme, sot megjithatë jam në ballinën e një reviste. Kjo do të thotë se vetëm duhet që me këmbëngulësi të hulumtohen rrugë të ndryshme, për të ardhur te suksesi”, ka shtuar ajo.
Modelizmi, vetëm hobi
“Kam pasur oferta te shumta, por preokupimi im kryesor është përfundimi i studimeve pasi qe jam në semestrin e fundit për gradën master ne universitet. kjo nuk më mundëson momentalisht kohë të mjaftueshme për aktivitetet tjera, që për mua janë hobi.”
Fotot: Ramin Photography
Të ngjashme
Të tjera nga Gruaja
E-Diaspora
-
Mbahet takimi i Kolegjit të kirurgëve të Kësovës me kirurgët nga mërgata Më 23 mars, në Wirtschaftsclub Dusseldorf, Kolegji i Kirurgëve të Kosovës mbajti takimin nismëtar për themelimin...
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Për Shaqirin ishte goli i 30-të në 121 paraqitje me fanellën e Zvicrës
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe