Arrestohen tre shqiptarë, u kapën në jaht me mbi 3 tonë marihuana

3 tonë e 992 kilogramë marihuanë janë sekuestruar në një jaht në operacionin e përbashkët ndërkombëtar në mes policisë së Shqipërisë dhe asaj italiane Guardia di Finanza.

Në këtë operacion janë arrestuar tre shqiptarë, ndërsa policia njofton se pas një ndjekje mjeti lundrues që kishte një flamur amerikan u kap në ujërat territoriale italiane, në zonën e Viestes.

Policia shqiptare thekson se mjeti nuk ka ardhur nga Shqipëria, derisa nuk ka dhënë detaje të tjera. “Policia e Shtetit po bashkëpunon ngushtë me Guardia di Finanza dhe Policinë Italiane si dhe po shkëmben informacione intensivisht me Policinë Malazeze për zbardhjen e këtij trafiku”, theksohet në njoftimin e Policisë shqiptare, përcjell albinfo.ch.