Kosova

Arrestohet polici që vrau një 30-vjeçar në Prizren

Policia e Kosovës, në një konferencë për media ka treguar se kanë arrestuar dy persona si të dyshuar për vrasjet e fundit në rajonin e Prizrenit. 

Sipas policisë, njëri nga të arrestuarit është zyrtar policor dhe ka inicialet S.SH. 

Ai është arrestuar për vrasjen e një 30-vjeçari në një lokal të lojërave të fatit në fshatin Reshtan të Suharekës. 

Sipas policisë, ende nuk dihen motivet e kësaj vrasjeje, por vetëm kanë treguar se zyrtari policor ka qenë klient i rregullt i kësaj kazinoje. 

Ndërkaq, në një rast tjetër, një 64-vjeçar është arrestuar për vrasjen e vëllait të tij dhe për plagosjen e një gruaje. 

Dyshimet janë se vrasja ka nodhur për çështje pronësore.