Austria ka mungesë infermierësh, për punë sociale, mësimdhënie, kopshte, restorante, hotele dhe dyqane

Kthimi nga “lufta” Covid, e ka rigjallëruar Austrinë në shumë sektorë dhe kjo ka ndikuar që shumë fusha të punës të kenë mungesë të punëtorve.

Austria ka hartuar një listë të vendeve të punës me numrin më të madh të mungesës së stafit, njofton albinfo.at.

Aktualisht është e lehtë të gjesh një punë në infermieri, punë sociale, mësimdhënie, kopshte, restorante, hotele dhe dyqane në Austri, kjo sepse ka një mungesë të theksuar në muajt e fundit.

Kthimi nga “lufta” Covid e ka rigjallëruar Austrinë në shumë sektorë dhe kjo ka ndikuar që shumë fusha të punës të kenë mungesë të punëtorëve.

Sipas gazetës Krone, rreth 80 shtretër në shtëpitë e të moshuarve në Vjenë janë të zbrazët për shkak të mungesës së personelit. Po ashtu, ka shqetësime në Austri për mungesat e punonjësve socialë.

567 pozita mësimore në Vjenë janë të lira dhe shumë staf kanë braktisur punën në restorante ose industritë e shitjes me pakicë për shkak të orarit të punës pandemike dhe antisociale, transmeton tutje albinfo.at.

Qeveria e Austrisë ka kërkuar mënyra për ta bërë më të lehtë aksesin në tregun e punës për punëtorët e kualifikuar nga vendet e treta.

Kjo do të thotë se njerëzit nga vendet evropiane që nuk janë anëtarë të BE-së ose të Zonës Ekonomike Evropiane (ZEE), ku përfshihet Kosova, Shqipëria, Mali i Zi, Maqedonia e Veriut etj., mund të kenë lehtësi për t’u punësuar në shtetin austriak, njofton albinfo.at.

Referuar statistikave, thuhet se aktualisht ka 24,000 vende të lira pune në Austri dhe ekspertët e biznesit thonë se duan që punëtorët e huaj të kualifikuar të kenë akses më të lehtë në tregun austriak të punës. /Albinfo.at

 

---