Lajme
Austria për shtetasit e saj: Mos shkoni në Ballkanin Perëndimor
Banorëve të Kosovës, të Shqipërisë, të Malit të Zi, të Serbisë, të Maqedonisë së Veriut dhe të Bosnjë e Hercegovinës u kërkohet të vetizolohen për 14 ditë, me të hyrë në Austri
Austria zyrtarisht ka paralajmëruar shtetasit e saj që të mos udhëtojnë në Ballkanin Perëndimor. Sipas tyre, është rritur shumë numri i infektimeve, ndaj nuk duhet të udhëtohet në këto vende: Kosovë, Shqipëri, Maqedoni të Veriut, Serbi, Mal të Zi dhe Bosnje/Hercegovinë, përcjell Albinfo Austria.
Afër gjysmë milion njerëz që kanë lidhje me vendet e Ballkanit Perëndimor jetojnë në Austri.
Austria ka paralajmëruar kontrolle kufitare intensive për të gjithë ata që vijnë nga këto vende. Futja në Austri do të jetë e mundur vetëm për ata që kanë ndonjë test negativ me virusin COVID-19.
Austria ka lëshuar paralajmërime udhëtimi për vendet e Ballkanit për shkak të një rritjeje të numrit të të infektuarve me koronavirus atje, tha ministri i Jashtëm i Austrisë, Alexander Schallenberg, raporton “Reuters”.
Banorëve të Kosovës, të Shqipërisë, të Malit të Zi, të Serbisë, të Maqedonisë së Veriut dhe të Bosnjë e Hercegovinës u kërkohet të vetizolohen për 14 ditë, me të hyrë në Austri, ose duhet të tregojnë një test negativ të koronavirusit.
Masa e Austrisë është një goditje e veçantë për Serbinë dhe Malin e Zi, vende këto, të cilat Bashkimi Evropian, të martën, i shtoi në “listën e sigurt” të vendeve, duke lejuar udhëtimin e banorëve të tyre në BE, përcjell albinfo.ch.
“Ne po reagojmë në bazë të rrethanave, jo vetëm situatës në ato vende, por edhe faktit që ne shohim, për shembull në vendet tona fqinje Kroaci dhe Slloveni, një rritje në grupimet e njerëzve që kthehen nga udhëtimi në Ballkanin Perëndimor”, tha Schallenbergu në një konferencë për shtyp.
“Tubime të tilla janë vërejtur edhe në Austri”, tha ai.
Numri i të infektuarve është rritur ndjeshëm gjatë muajit të kaluar në Ballkanin Perëndimor, megjithëse rajoni në përgjithësi ka pasur norma më të ulëta se shumica e Evropës Perëndimore.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Në këto aeroporte mbahen greva gjatë prillit dhe majit Grevat nuk janë të rralla në Evropë. Për shkak se punëtorët po luftojnë për kushte më...
-
Vdes ushtari zviceran nga të shtënat, gjatë ushtrimeve në kazermë
-
Dyshimi për mashtrim: Akuzohet për 250 mijë CHF që mori kredi për Covid
-
Zvicër: Thirrje për kujdes për personat që kanë vendosur tashmë goma verore
-
Studim: Mirëqenia në Zvicër është rritur ndjeshëm në 30 vjetët e fundit