Lajme

BE gjatë 2019-ës importoi 3 milionë tonë kafe me vlerë 7.5 miliardë euro

E enjte, 1 Tetor 2020 - 16:45 albinfo.ch

1 tetori shënohet si Dita Ndërkombëtare e Kafesë.

Bashkimi Evropian gjatë vitit të kaluar ka importuar 3 milionë tonë kafe, me vlerë prej 7.5 miliardë eurosh.

Sipas Zyrës Evropiane të Statistikave, importet u rritën me 14 për qind në vitin 2019 kundrejt një dekade më parë, përcjell Telegrafi.

Eurostat thotë se burimet kryesore të kafesë së BE-së ishin Brazili me 932 mijë tonë, Vietnami me 673 mijë tonë, Hondurasi me 221 mijë tonë, Kolumbia me 166 mijë tonë, Uganda me 145 mijë tonë, India me 137 mijë tonë, Peruja me 113 mijë tonë, Etiopia dhe Zvicra me nga 80 mijë tonë dhe Indonezia me 77 mijë tonë.

Blerësit më të mëdhenj të kafesë në bllok ishin Gjermania me 1.1 milion tonë, e ndjekur nga Italia, Belgjika, Spanja dhe Franca.

Ndërkohë, 1.8 milion tonë kafe të pjekur me vlerë 10 miliardë eurosh u prodhuan në BE, kryesisht në Gjermani, Itali dhe Spanjë.