BE-ja dënon dhunën në protestën e djeshme në Tiranë

Keystone EPA/MALTON DIBRA

Delegacioni i Bashkimit Evropian në Tiranë dënoi sot dhunën e regjistruar mbrëmjen e djeshme gjatë protestës së opozitës në Tiranë. “Protesta paqësore është një vlerë thelbësore e një demokracie moderne evropiane. Dhuna nuk mund të tolerohet në asnjë rrethanë”, thekson deklarata.

Sot drejtuesit e opozitës u mblodhën përpara Drejtorisë së Policisë së Tiranës për të kundërshtuar ndalimin dhe arrestimin e disa manifesfuesve. Sipas Policisë, janë 50 persona të arrestuar për kryerjen e veprave penale, raporton KTV, përcjell Albinfo.ch.

Policia bëri të ditur se janë 16 efektivë të saj, të cilët janë plagosur “nga goditjet, kundërshtimet dhe përdorimi i lëndëve piroteknike, sendeve të forta dhe bombave Molotov”.