Bota
BE me masa të reja kundër sulmeve kibernetike
Bashkimi Evropian miratoi një mjet të ri ligjor për të ndëshkuar ata që gjenden përgjegjës për sulme kibernetike në vendet anëtare të bllokut, si dhe në vendet e treta dhe në organizatat ndërkombëtare.
Ministrat e Financave të BE-së, gjatë takimit në Bruksel të premten, e miratuan regjimin e sanksioneve që i mundëson bllokut 28-anëtarësh të ngrijë asete dhe të vendosë ndalesa udhëtimi për individët, kompanitë dhe organet shtetërore jashtë bllokut, që janë të përfshira në sulme kibernetike.
“Korniza i mundëson BE-së të ndërmarrë masa shtrënguese për të penguar dhe reaguar ndaj sulmeve kibernetike”, thuhet në deklaratën e ministrave, shkruan REL, përcjell Albinfo.ch.
Sipas së njëjtës, sanksionet do të merren parasysh nëse një sulm kibernetik ka “ndikim të rëndësishëm” në cakun e tij.
Zyrtarët evropianë janë në gjendje gatishmërie për të minuar çdo përpjekje për të dëmtuar zgjedhjet në Parlamentin Evropian, që do të mbahen më 23-26 maj, përmes fushatave të dezinformimit apo sulmeve kibernetike.
Zyrtarët e kanë akuzuar Rusinë për disa fushata piraterimi kundër Perëndimit, por Moska e ka mohuar përfshirjen në to.
E-Diaspora
-
Lucern: Dënohet me nëntë vjet burgim tregtari shqiptar i drogës Sipas aktakuzës, ai ka marrë 82 kilogramë përzierje kokaine në Reiden (LU) dhe e ka shitur...
-
Mbi një mijë punëtorë shëndetësorë kosovarë u punësuan në Gjermani për nëntë muaj
-
Austri: Djemtë e dëshmorit përzgjidhen për të prezantuar historinë e tyre të suksesit si ekspertë integrimi
-
Shkolla Shqipe Ostermundigen në Bernë fillon përgatitjet për festën e abetares
-
Baleti Kombëtar i Kosovës, gati për shfaqjen e parë në Nju-Jork
Jeta në Zvicër
-
Eurovizion 2025: Tashmë varet nga qytetet e interesuara se ku do të organizohet Pas fitores së Nemos, një grup pune i SSR është në punë. Qytetet e interesuara kanë...
-
Pse banorët e huaj të pasur kanë më shumë gjasa të bëhen shtetas zviceranë?
-
Pse dy linja fluturimi nga Zvicra në Itali janë “më turbulentet” në Evropë?
-
Lucern: Dënohet me nëntë vjet burgim tregtari shqiptar i drogës
-
Paralajmërohen reshje të vazhdueshme shiu dhe përmbytje lokale, niveli 3 i rrezikut vlen për këto rajone