Behrami i lënduar, nuk luan për Zvicrën

Behrami ka reaguar përmes Twitterit duke thënë se lëndimi erdhi në kohë të vështirë, por se përkrahja e tij për Zvicrën nuk do të mungojë

Mesfushori i Udineses, Valon Behrami, nuk do të paraqitet në dy ndeshjet e ardhshme të Zvicrës për shkak të një lëndimi të pësuar në fundjavë.

Futbollisti, sipas njoftimit nga klubi, ka pësuar lëndim në muskuj dhe do të nisë terapinë e menjëhershme për rikuperim, transmeton albinfo.ch.

Behrami ka reaguar përmes Twitterit duke thënë se lëndimi erdhi në kohë të vështirë, por se përkrahja e tij për Zvicrën nuk do të mungojë.

Më 7 tetor, Zvicra pret Hungarinë, ndërsa tre ditë më pas luan si mysafire e Portugalisë në kuadër të dy ndeshjeve të fundit në Grupin B kualifikues për Botërorin “Rusia 2018”.